الموضوعات الأكثر
وجه التفاؤل والسعد والبراءه
رجل المواقف والقيم والعزيمه
يسعد صباحه ثم يسعد مساءه
في جاه من موسى نبيه كليمه
وانه يعينه ثم يدحر اعداءه
رمز الفعول النايفات العظيمه
محمد الملهم شموخ وكفاءه
وعليه من كل المفاخر وسيمه
في هيبته في حنكته في دهاءه
شبيه ابو تركي مطوع خصيمه
من مدرسة فخر البالد انتماءه
سلمان سلمان الوفا والحشيمه
اللي شمل كل الوطن في عطاءه
ومواقفه تبقى جديده قديمه
مضرب مثل في حكمته في وفاءه
الله على الشعب السعودي يديمه
وحنا معك بالعز نمشي وراءه
القصد واضح والنوايا سليمه
لا نادى ابو سلمان لبى نداءه
يبشر بشعب ما يعرف الهزيمه
شعب يعاهدكم ويعلن ولاءه
على كتاب الله وسنه قويمه
نحلم على الجاهل وندمح خطاءه
وان عادها تصلاه نار جحيمه
من طبعنا ما نلتفت للاساءه
ولا هزنا قول الخطا والشتيمه
اعلامنا يرفض صنوف البذاءه
لا للتطرف وارتكاب الجريمه
هذا الوطن نحمي ثراه وسماءه
تقصر يدين المعتدي ما يظيمه
من شيمة رجاله وعفة نساءه
على العلا ودروبنا مستقيمه
ننعم بعدله ثم زاده وماءه
والأمن هو ساس الحياة الكريمه
نحمي حدوده ونتنفس هواءه
الشعب مخلص والقياده حكيمه
نحيى ونموت ولا يكدر صفاءه
بالغيظ موتي يالقلوب اللئيمه
تمت بذكر اللي طلبنا رضاءه
واحد احد نرجي عطاه ونعيمه
وصلو على المختار خير انبياءه
اعداد ما هلت على الأرض ديمه
**
- شعر/ مهدي العبار