العام الأحباب والخلاّن مجتمعه

واليوم ما اشوف للغالين روّادي

طال انتظار الخفوق وجفّت الدمعه

والياس من شوفهم ماحل بفوادي

يامتلف الروح شوفي لك هو الطمعه

من عقب مر الفراق ومر الأبعادي

اليوم يوم الخميس وباكر الجمعه

والسبت ميعادنا في منحنى الوادي

إذا اجتمعنا بولّع شمعه وشمعه

واقول ذا عيد ميلادك وميلادي

ياكيف راسي ويا شوفه ويا سمعه

يا لفحة الطايفي والورد والكادي

يا مرحبا عد برقٍ لاح له لمعه

حاديه مزن الخريف وفيه رعّادي

قل يامحمد معي ياطيّب السمعه

الله يحقّق وعدهم لي وميعادي

لعلي افداك من ضاري على الخمعه

اللّي على صاحبه سرداد مردادي

** **

- عبدالله السياري