الموضوعات الأكثر
«الجزيرة» - عبدالعزيز بن سعود المتعب:
الشعر الشعبي الوطني الجزل مُوثِّق الولاء والوفاء واللحمة الوطنية ووحدة الصف والكلمة وهذا ما تجسِّده القصيدة التالية في مقام سيدي صاحب السمو الملكي الأمير محمد بن سلمان بن عبدالعزيز آل سعود -أطال الله عمره وأدام عزه- ولي العهد رئيس مجلس الوزراء:
ما بين تكبيرةٍ تصدح وزرفال فيح
وعبيةٍ ما تبعها من سطرها فلو
قامت سعودية الأمجاد والليل زيح
عن وجه صبحٍ عليه المسلمين اقبلو
ونادى المنادي على الحاضر بصوتٍ صريح
الحكم لله ولـ معزي يا شعب اعتلو
صهوة سنام الفخر والصعب راسه طريح
على يدين الموحد بالرفاع انزلو
ووقّف لها معزي الثاني بعقلٍ رجيح
مجدد أمجاد جدانٍ عليها بلو
شبيه جده بفعله والكلام الفصيح
عزالله اللي خلو لا خلفو ما خلو
وريث حكامٍ الوقت بسواهم شحيح
سادو بشبه الجزيرة وحكمو وعدلو
من يوم بقعا على وجه البسيطة تصيح
سيوف حقٍ اليا صاح النذير فعلو
ما فيه وجهٍ صريح إلا يعد الصحيح
ويقول رؤية محمد من علو في علو
طوّر بلاده وخلاها مدارٍ فسيح
ويبشّر المقبلات بكل شيٍ حلو
غيثٍ سقاها وفزت له خزامى وشيح
سر المحبين والعدوان منْه زعلو
كنّا على حفّة الماضي نقوم ونطيح
واليوم صرنا نشوف الأرض كبر الدلو
لاهب بالعالم الغربي من الوقت ريح
يوقّف الشرق الأوسط لا لتفت له بلو
يحب شعبه ومن شانه ما هو مستريح
ومحبته في قلوب الشعب حد الغلو
من ماكر طويق هداته تثير المديح
الصعب والمستحيل اليا هجدهم جلو
من حام ماله مع العالم شبيه ونطيح
حرٍ يشوف المعالي في عيونه شلو
** **
- نهار ممدوح العنزي
