الموضوعات الأكثر
آخر ما كتبه الإعلامي والشاعر المعروف نايف المطيري:
يا صاحب الدرب والصوت الحزين النحيل
اللي مزج في ثمانية البحور أربعه
جاني طرف من مراسيلك وذودي امحيل
وانا بدوي ما يعرف السفن والأشرعه
انقل زهابي وأخيل البرق واروي الصميل
مؤمن بمبدأ اليا ما طاع وقتك طعه
أنبذ فعول الردا وأصون فعل الجميل
وأعطي ولا اطلب ورى ما اقدّمه منفعه
أحيان اشوف الفضاء واحة حمام وهديل
وأحيان اشوف الصخب وخصوم متجمّعه
وأحيان آشوف الأماني دبك خيل وصهيل
واسابق العمر في حلمٍ عجزت اجمعه
ولو للظما دم مايبّس جذوع النخيل
وهي تعطي الجوع حاليها ولا تقطعه
والبندق اللي على جول النوارس تعيل
قولوا لقناصها ذنب الفشق باصبعه
والشعر بوابة الحالم وحلم الخليل
والناي نبض الحزن في دروبنا يزرعه
صوتك وصل والرعد يدوي وسال المسيل
والشمس تنثر ضياها فيه ثم تجمعه
والمدح ما شال حملك لو تسمّى شعيل
ينقل زهاب الطروش ولا حصد منفعه
والمرجله دربها كايد وماها نثيل
والملح له مجمعه والعذب له منفعه
لا تقول ذا مستحيل ابحث عن المستحيل
واللي تبي تلبسه قبل أشبره وأذرعه
واليا ظهر لك على راس الزناد الفتيل
هدف ماتدرك صوابه جوز عنه ودعه
