الموضوعات الأكثر
والرأس شامخ والسجايا حميده
والفعل شافوه العرب شوف الأعيان
- «معالي سعود بن عبدالله القحطاني»
ياطيب رأسك يابوسلمان وانت الفخر
يافزعة الدار ياسيف الخليج الصقيل
- «عبدالله بن عبيان اليامي»
الجزيرة - عبدالعزيز بن سعود المتعب:
الشعر الشعبي الوطني الجزل موثّق الولاء والوفاء واللحمة الوطنية ووحدة الصف والكلمة، وهذا ما يجسّده الشعراء والشاعرات أبناء وبنات الوطن الغالي المملكة العربية السعودية تجاه مقام سيدي صاحب السمو الملكي الأمير محمد بن سلمان بن عبدالعزيز آل سعود - أطال الله عمره وأدام عزّه - ولي العهد رئيس مجلس الوزراء.
يقول معالي الشاعر سعود بن عبدالله القحطاني
محمد محمد ياعسى الله يزيده
من كل خير ويحفظه عالي الشان
حرٍ له الأمجاد مثل الطريده
يهوي عليها بالمخالب وجنحان
العين ترقب والهقاوي بعيده
والقلب ينبض بالعزيمه والإيمان
والرأس شامخ والسجايا حميده
والفعل شافوه العرب شوف الأعيان
لو شاف أبوتركي مواقف حفيده
عرف بأن المُلك ثابت ومنصان
ويقول معالي الشاعر تركي آل الشيخ
عزّنا ياعزّنا وقت اللزوم
بالطناخه واتخاذك للقرار
قامت الدنيا معك يومك تقوم
وما رجعت إلاّ بهيبه وانتصار
سربنا يامحمد وعزّك يدوم
ومعك حنّا من مسار إلى مسار
من عزومك عِرفَت كبار العزوم
ومن بداية رؤيتك يبدى النهار
ويقول الشاعر مهدي العبار العنزي
صاحب الرؤية على غيرك صعيبه
ابتكرها واعتمدها وانتخبها
والمراجل حطّها الله من نصيبه
موهبه والرب لمحمد وهبها
واقتصادٍ تحتميه ونرتهيبه
هو شرايين البلاد وهو عصبها
قلت بالقمّه كلامٍ نقتديبه
العرب لا فرّق المولى شَعَبها
سيفهم درع العرب عزوه وهيبه
امةٍ بك تنتخي ما احدٍ غلبها
والمسافات البعيدة والقريبه
أنت من حط العلامات وحسبها
يا سليل المجد دايم تحتفيبه
يا فخر كل الأشاوس ياطربها
ويقول الشاعر تركي المريخي
محمد ولد سلمان تاج الإماره
نسل هل العوجا ملوك الجزيره
كسبت من سلمان هيبة وقاره
رمت العظايم ما تروم الصغيره
وحزت المراجل كلّها عن جداره
يابن الملوك اللّي تقود المسيره
ويقول الشاعر عبدالله حمير القحطاني
قد مطاليع السرايا وارتكن
وقد جيوشٍ تنتظر تحيّتك
لانك اللي توزن أمورك وزن
لا مشيت الأرض تخشى هيبتك
ويقول الشاعر عبدالله بن عبيان اليامي
وقت الشدايد يبين اللّي يدوس الخطر
ولا يهم العواصف لو تحط وتشيل
أنا أشهد ان مملكة سلمان فيها صقر
اشقر حرارٍ ليا هدّه يجيب الجزيل
يا طيب راسك يابوسلمان وانت الفخر
يا فزعة الدار يا سيف الخليج الصقيل
ومنها قوله:
ياعزوة اخوان نوره في نهار الظفر
شبيه جدّك معزّي قاهر المستحيل
ناديت يا مجمع النورين شمس وقمر
وشفت الضيا من كفوفك يامحمد يسيل
من هيبتك مملكتنا بك تشد الظهر
الراس يقدح سطر والبشت ظلٍ ظليل
ويقول الشاعر راجح المغيري
معك يا عين رؤيتنا وروح الشباب
امتطينا الفضا من بعد عوص النضا
عذب للمسلمين وللمعادي عذاب
يوم شعبك رضى عمر العدو مارضى
وتقول الشاعرة فتاة نجد
محمد أمانٍ للوطن وانتصاره
على جميع أعداه مهما يكونون
محمد الحلم العظيم وقراره
ناجح بفضل الله وبالعدل مقرون
محمد طموحات الوطن واقتداره
على النهوض وسيّدي للوطن عون
حاكم وشامخ هيبته واقتداره
تهتز منها عرش قادات وركون
وفي كل بصمة مجد أبلغ عباره
يفخر بها شعبٍ بفعله يباهون
هذا صقر سلمان نادر حراره
للشعب عز وللوطن درع وحصون
همّه وتفكيره وخطّة مساره
نهضة وطن شامخ هله يستحقّون
رؤية حكيم بكل جد وجداره
جابه لنا الله مالك الملك والكون
