الموضوعات الأكثر
الف وسبعمية وسبعه وعشرين
ميلاد دولة عز وسياسة ودين
محمد بن سعود أسّس بناها
ثم انتمت له بالإسم والعناوين
السيف سلّه للمعالي والأمجاد
من فضل ربي بدّل الشين بالزين
محمد بن سعود والدار محكوم
في الصدر ذكر وفي المساجد مصلّين
خلّف وراه أسود بالفطره تسود
ياطيبهم والفعل خير البراهين
درعية آل سعود رفرف علمها
واللي سكنها ساكن القلب والعين
شمسٍ تعلّت فوق غيمه وبرّاق
شعاعها كنّه ينادي مقفّين
أسوارها تمّن من الخوف والجوع
سورٍ يذرّي عن هبوب الشياطين
وان سولفوا عن قصر سلوى ضيوفه
فالسالفه عن الكرم والكريمين
وادي حنيفه سال خير وتباشير
جمع شتات وقرّب ديار ضامين
الله يعطي المُلك ويعز من شاء
حمى بيوته بالمعزّه عزيزين
تاريخهم بالجود تشهد له اعداه
ماضيّعته قرون وعقود وسنين
محمد بن سعود ياسيرة أبطال
إمام ورّث له ملوك وسلاطين
** **
- الأمير د. سعد بن سعود بن محمد آل سعود