تاريخ نفخر به ويا حي الاسفار

في مجدها الماضي ويا حي سيره

من يومها والدار تشوق الانظار

ويا حيّها من بدة الكون ديره

عروس.. والدنيا لها طقت الطار

وكل تمنى بالبسيطة مصيره

من يومها.. كل ارض قالت للاقدار

(نبي مثل مجده).. ولا فيه غيره

لان السعود اللي ولوها بالاصرار

هم من بناها في يقين وبصيره

عدى ثلاث قرون وبكل الادوار

من (مقرنٍ) هم عزوته والذخيره

لـ(سلمان) واخوانه طويلين الاشبار

و(محمد).. الباني صروحٍ كبيره

اللي ولوها ثم حموها من العار

ونار الفتن اطفوا لهايب سعيره

عقب المحل خلوا لها القاع نوار

وعقب العَوَزء من فعلهم زاد خيره

ثنوا لها.. ما رددوا عندها اعذار

بحزمٍ يسد الباب عن أي حيره

يا الله عساهم من طويلين الاعمار

واعماركم يا اللي بغضتوا قصيره

وان زوّدوا يا دار في مجدك انكار

هذي مزيّة.. والمزايا كثيره:

(اللي حكم منك) ولا يوم بك جار

الاجنبي.. يوم ان غيرك يديره

** **

- طلال بن عرّاك الشمري