الموضوعات الأكثر
اليوم يوم السعد في كل ديره
بالمملكه بان الهناء والتباشير
يومٍ عزيز وفيه خيرٍ وخيره
توحيد دار العز والطيب والخير
يا محمد ابن سعود قدت المسيره
ماهبت يوم اعداك ورد ومصادير
أنتم هل التوحيد حكمه وسيره
وبوجودكم يا إمام حلّت تباشير
الشر ولا الشر عن كل ديره
بأمر الولي صار الأمن بعدكم غير
والنهب غاب ويدّه أمست قصيره
ولاعاد بان اللي على الغافل يغير
يا إمامنا وحدّت شبه الجزيره
ونظمت حال الناس تنظيم يا امير
واختلفت أشياء في وجودك كثيره
وأمن الوطن من فضل وال المقادير
والحمد للمعطي على كل خيره
تحكم كتاب الله ماتهاب واتسير
حكم بنيته وانت حاكم تديره
وعند اللقاء حكمه وحنكه وتبصير
على الرمك والعيس جندك ذخيره
برماحها بسيوفها تارد البير
** **
- عبد الكريم إبراهيم ابن خزيم